Një aksident me pasojë vdekjen, ka ndodhur mëngjesin e të premtes në aksin rrugor Ura e Tapizës-Fushë Krujë. Një 43-vjeçar me iniciale E.C., ka humbur kontrollin e mjetit pranë kthesës në vendin e quajtur “Ura e Tapizës”, duke u përplasur me një kolonë betoni që shërbente për ndërtimin e urës, e cila aktualisht është në proces rikonstruksioni.
Ngjarja ka ndodhur rreth orës 05:17 dhe duket se errësira e ka penguar drejtuesin, i cili po udhëtonte në drejtim të Kamzës për t'u orientuar, por pa arritur të shmangë kolonën e betonit. Policia njofton se grupi hetimor ndodhet në vendin e ngjarjes dhe po punon për zbardhjen e plotë të rrethanave të këtij aksidenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.