Ndërroi jetë në Spitalin e Traumës, në Tiranë, Andi Maloku, shoferi i prokurorit Arjan Ndoji. Maloku ndodhej te Trauma që prej 1 nëntorit, ku iu bë atentat te mbikalimi i Shkozetit, teksa udhëtonte në makinë me prokurorin Arjan Ndoji dhe Pëllumb Muharremin alias Aleksandër Lahon, i njohur edhe si “Rrumi” i Shijakut. 24-vjeçari Andi Maloku u qëllua me breshëri kallashnikovi dhe mori 24 plumba. Prej 1 nëntorit, i riu ndodhej në gjendje të rëndë shëndetësore, ndërsa këtë pasdite ka ndërruar jetë, për shkak të komplikacioneve. Plumbat e marrë në trup i kishin preku mushkëritë dhe pjesën e shtyllës kurrizore.
Në atentatin e të premtes mbetën të plagosur edhe prokurori Arjan Ndoj e Aleksandër Laho “Rrumi” i Shijakut, i cili sipas policisë, rezulton të jetë i njohur për botën e krimit. Në këtë video të siguruar nga Gazeta Si, familjarët vajtojnë dhe ulërasin kundër policisë dhe punonjësve duke kërkuar që të hapin derën. "Hapeni derën e plehrë", dëgjohen ulërimat shpërthyese të familjarëve të Malokut. E ëma vajton e thotë: "O Zot më iku çuni!"
Por ata nuk janë lejuar që të futen në sallë. Atentati ndodhi gjashtë më parë dhe se pas disa mjekimesh gjendja e Malokut u stabilizua fillimisht, e mjekët dhanë shpresë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.