Politike

Shkodra, përplasja e re Rama-Meta

Presidenti Ilir Meta e nisi fundjavën me një postim nga zona bregdetare e Gjirit të Lalëzit, aty ku ka rezidencën e tij private, duke dhënë si përherë mesazhe të koduara.
“Mirëmëngjes nga Lalëzi! Edhe pse deti është zgjuar nervoz sot, shpresojmë të reflektojë dhe qetësohet më vonë”, shkruan Meta në postimin e tij në rrjetet sociale.

Një mesazh që paralajmëron atë që pritet të trazojë politikën shqiptare, qytetin bastion të demokratëve, Shkodrën.

https://www.facebook.com/ilirmetazyrtar/photos/a.1479540228758912/2446238425422416/?type=3&theater


Aktualisht Shkodra nga përplasja në nivelin lokal ka kaluar në atë qendror. Pas konstituimit të këshillit bashkiak, një javë më parë, beteja e dytë dhe më e vështira duket nëse do të ketë zgjedhje për kryetarin e ri të bashkisë për qytetin më të madh të veriut të Shqipërisë, i njohur si bastioni i demokratëve.
Nga mazhoranca bëjnë të ditur se shkresa për vakancën e krijuar nga dorëheqja e Valdrin Pjetrit i ka shkuar presidentit Ilir Meta dhe Komisionit Qendror të Zgjedhjeve.
Burime të Gazeta “Si” pohuan nga Presidenca se shkresa e prefektit të Shkodrës, Çesk Millja nuk ka mbërritur ende. Por ata theksojnë se qëndrimi i kreut të shtetit është tashmë i qartë se nuk e njeh zgjedhjet e 30 qershorit, pasi anë të dekreteve ka anuluar atë atë, duke nxjerrë një datë të re atë 13 tetorit.


Pra, Presidenti do ta rezufojë të pranojë nxjerrjen e një dekreti të ri duke bërë që mazhoranca të tentojë ndonjë zgjidhje tjetër për këtë përplasje të re që pritet të ndizet në fillim të shtator.
Për çështjen e Shkodrës janë paraqitur disa skenare të ndryshme, ku mazhoranca mund të tentojë të shmangë Presidentin Meta, duke e kaluar këtë ccështje në tavolinën e KQZ-së. Anëtarët e KQZ-së mund të gjejnë zgjidhje për të realizuar zgjedhje mbi bazën e pavlefshmërisë.
Gjithsesi ky skenar do të fuste në lojë edhe Kolegjin Zgjedhor, pasi KQZ-së i nevojitet 5 votat e anëtarëve, gjë që duket e parealizueshme, pasi kryekomisioneri Klement Zguri pritet të jetë kundër.
Analistët dhe juristët si Afrim Krasniqi dhe Artan Lazaj, kanë pohuar për Gazeta “Si” se çështja e Shkodrës, duhet të zgjidhet vetëm nëpërmjet presidentit. Pra që kreu i shtetit i duhet të shpallë një dekret për një datë të re të zgjedhjeve. Kështu ata përjashtojnë një skenar tjetër që shmang Metën nga vendimmarrja e Shkodrës.


Gjithashtu Kodi Zgjedhor e ka të përcaktuar se KQZ-ja njofton presidentin për vakacën e krijuar dhe brenda 48 orëve, Meta duhet të nxjerrë një dekret për mbajtjen e zgjedhjeve të pjesshme për kryetar bashkie. Nëse nuk ndiqet këto hapa atëherë pritet të ketë një krizë të re politike dhe institucionale, e cila ka vetëm një emër “Shkodrën”.
Ky refuzim dhe konflikt do të nxiste mazhorancën që të përshpejtonte procesin e nisur në Parlament për shkarkim e kreut të shtetit, duke pretenduar se Meta me refuzimin e Shkodrës bën edhe një tjetër shkelje kushtetuese.
Nga ana tjetër opozita ka bërë të ditur se nuk e lëshon Shkodrën, kryebashkiakja Voltana Ademi, edhe pse i ka mbaruar mandati, shprehet se do të qëndrojë në detyrë deri se të vijë kryetari i ri bashkisë. Këtë qëndrim ajo e bazon te ligji “Për vetëqeverisjen vendore”, por se mazhoranca mund të kapet te një tjetër nen po i këtij ligji, që pas 6 muajsh pa kryetar, këshilli bashkiak mund të zgjedhë një kryetar të përkohshëm.


Copyright © Gazeta “Si”


Më Shumë