.png)
Ndryshimi i klimës ka shkaktuar shpërthime rekorde zjarresh në Afrikë, Azi dhe gjetkë këtë vit, me kushtet që pritet të përkeqësohen ndërsa afrohet vera në hemisferën veriore dhe fillojnë modelet e motit El Nino, paralajmëruan shkencëtarët.
Zjarret nga janari deri në prill kanë shkaktuar nivele të papara dëmesh, duke djegur më shumë se 150 milionë hektarë tokë, 20% më shumë se rekordi i mëparshëm, sipas të dhënave të përpiluara nga Ëorld Ëeather Attribution, grup kërkimor që studion rolin e ngrohjes globale në ngjarjet ekstreme të motit.
Hulumtuesit thanë se rekordet e temperaturës mund të thyhen këtë vit, duke shkaktuar thatësira të përhapura, si dhe zjarre, me ndikimin e ndryshimeve klimatike të shkaktuara nga njeriu të shoqëruara me një efekt veçanërisht të fortë “El Nino”.
“Ndërsa në shumë pjesë të botës sezoni global i zjarreve ende nuk është prezent, ky fillim i shpejtë, në kombinim me parashikimin e El Nino-s, do të thotë se po shohim një vit veçanërisht të rëndë që po vjen”, thotë Theodore Keeping, ekspert i zjarreve në Imperial College London.
Deri më tani këtë vit në Afrikë janë djegur deri në 85 milionë hektarë tokë, 23% më shumë se rekordi i mëparshëm prej 69 milionë hektarësh, tha ai.
Reshjet e shumta të shiut prodhuan më shumë bar gjatë sezonit të mëparshëm të rritjes, duke krijuar një bollëk ‘karburanti’ për të ushqyer zjarret e savanës të shkaktuara nga thatësira dhe nxehtësia e muajve të fundit.
Ai paralajmëroi se rreziqet e zjarreve në pyje mund të përkeqësohen më vonë këtë vit, me El Ninon që rrit mundësinë e nxehtësisë së madhe dhe thatësirës në Australi, Kanada, Shtetet e Bashkuara dhe pyllin tropikal të Amazonës.
“Mundësia e zjarreve ekstreme të dëmshme mund të jetë më e larta që kemi parë në historinë e kohëve të fundit nëse zhvillohet një El Nino i fortë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje