.png)
KLSH ka kallëzuar në prokurorinë pranë Gjykatës së Shkallës së Parë Tiranë, drejtorin e drejtorisë së përgjithshme të Autoritetit Kombëtar të Ushqimit, z. Bledar Skënderi.
Objekti i auditimit me të cilin lidhet dhe kallëzimi i Skënderit, është rasti i akulloreve të tregtuara me përmbajtje të lëndës toksike oksid etileni ku AKU ka kryer mosveprime që janë në kundërshtim flagrant me ligjin që rregullojne veprimtarinë e këtij institucioni. Kështu, sipas KLSH-së, drejtori i AKU-së ka shpërdoruar detyrën.
Alarmi për akulloret që po tregtoheshin në vendin tonë, u dha nga RASFF (sistemi i njoftimit të shpejtë për ushqimin e popullatës dhe ushqimin për kafshë), mekanizmi i BE-së.
Sipas Kontrollit të Lartë të Shtetit, duke marrë shkas nga problematika e trajtuar në disa media, për t’iu përgjigjur ndjeshmërisë së publikut dhe informimit të tij për çështjet që lidhen me garantimin e sigurisë ushqimore, ushtroi jashtë programit vjetor të miratuar, auditimin tematik në Drejtorinë e Përgjithshme të Autoritetit Kombëtar të Ushqimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
