.png)
Gazeta Si - Një 52-vjeçar është arrestuar, pasi në banesën e tij janë gjetur sasi të konsiderueshme medikamentesh mjekësore të dyshuara kontrabandë.
Ndalimi është bërë në momentin kur I.M., po i shiste medikamentet një gruaje në rrugën "Medar Shtylla" në Tiranë.
Pas kontrollit në banesën e tij në “Komunën e Parisit”, policia gjeti dhe sekuestroi sasi të konsiderueshme medikamentesh mjekësore, pa pullën fiskale nga Agjencia Kombëtare e Barnave dhe Pajisjeve Mjekësore.
Gjithashtu, u procedua penalisht shtetasja M. G., 47 vjeçe, banuese në Tiranë e cila bleu medikamentet e dyshuara të kontrabanduara.
Tashmë, 52-vjeçari, akuzohet për veprat penale "Tregtimi dhe transportimi i mallrave që janë kontrabandë", "Ruajtja apo depozitimi i mallrave që janë kontrabandë" dhe "Fshehja e të ardhurave".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
