Gazeta Si - Katër persona janë arrestuar në Tiranë, ndërsa janë goditur tre raste të shitjes së lëndëve narkotike me doza.
Në rastin e parë janë arrestuar dy vëllezër D.H. 28 vjeç dhe E.H. 22 vjeç. Këta të fundit, në biznesin e tyre në një sallë lojërash elektronike në zonën e Selvisë, mbanin lëndë narkotike. Gjatë aksionit të policisë atyre iu gjet dhe sekuestrua 3 kg kanabis si dhe një pjesë të ndarë në doza.
Pas verifikimeve të kryera ka rezultuar se 2 vëllezërit pasi siguronin lëndë narkotike në sasi të mëdha, e ndanin atë në doza të vogla dhe më pas e shisnin te klientë të ndryshëm, të biznesit të tyre në zonën e Selvisë.
Në aksionin e dytë u arrestua 24-vjeçari me iniciale M.Z., të cilit iu gjetën doza kokaine dhe i shiste në zonën e Komunës së Parisit.
Ndërsa në rastin e tretë u arrestua një 26-vjeçar me iniciale J.C., pasi iu gjetën doza kanabisi të cilat i shiste në zona të ndryshme të kryeqytetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.