Gazeta Si- Një 43-vjeçar u arrestua këtë të premte, pasi dyshohet se ka shfrytëzuar bashkëjetuesen e tij, 18 vjeçe për prostitucion në Himarë.
Sipas policisë, K.P., 43 vjeç, banues në Borsh, Himarë, dyshohet se shfrytëzonte për prostitucion bashkëjetuesen e tij 18-vjeçare.
Policia e Vlorës njofton se po procedohen në gjendje të lirë 18-vjeçarja dhe 1 shtetas tjetër i dyshuar i përfshirë në këtë veprimtari kriminale.
“Nga një hetim disajavor me metoda proaktive, i kryer nga specialistët e Seksionit për Hetimin e Krimeve të Komisariatit të Policisë Himarë, në bashkëpunim me Prokurorinë e Vlorës, u siguruan prova për një rast të veprimtarisë kriminale të prostitucionit. Në bazë të këtyre provave u finalizua operacioni policor i koduar “Case”, në kuadër të të cilit u arrestua në flagrancë shtetasi 43 vjeç, banues në Borsh, Himarë“, - thuhet në njoftimin e poloicisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.