.png)
Gazeta Si – Dy punëtorë kanë humbur jetën pasditen e kësaj të shtune në zonën e Holtës në Gramsh pas rrëshqitjes së një masivi dheu gjatë punimeve në kantierin e ndërtimit të një hidrocentrali.
Sipas policisë, viktimat janë Abas Basha, 22 vjeç, dhe Egzon Lleshi, 32 vjeç, të cilët humbën jetën si pasojë e aksidentit.
Ngjarja ka ndodhur pranë një kanali që furnizon me ujë hidrocentralin në ndërtim, ndërsa autoritetet policore dhe grupet mjekësore mbërritën menjëherë në vendin e ngjarjes pas marrjes së njoftimit.
Grupi hetimor ka nisur punën për të zbardhur plotësisht rrethanat e aksidentit dhe për të dokumentuar ligjërisht këtë tragjedi. Ky incident vjen vetëm disa ditë pas një tjetër aksidenti fatal në Klos, ku një 29-vjeçar humbi jetën nga shembja e një masivi kromi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
