.png)
Gazeta Si – Në Shtetet e Bashkuara të Amerikës, mijëra njerëz u prekën nga urdhrat e evakuimit në shtetet Uashington dhe Oregon, në Bregun Perëndimor, për shkak të zjarreve që ushqehen nga thatësira dhe erërat e forta.
Tri vatra të mëdha zjarri po përhapen në zonën përreth Spokane-it – ku më e madhja prej tyre kishte djegur tashmë mbi 142 hektarë, sipas NPR – ndërsa më shumë se 5 000 ndërtesa kërcënohen nga flakët, të cilat kanë shkaktuar ndërprerje të energjisë elektrike për mbi 13 000 shtëpi, raportoi CNN.
Guvernatori i shtetit të Uashingtonit, Bob Ferguson, shpalli gjendjen e jashtëzakonshme, duke deklaruar se “thatësira rekord dhe erërat e forta po krijojnë kushte të rrezikshme në të gjithë shtetin. Nëse ndodheni në zonë, ju lutemi qëndroni vigjilentë dhe ndiqni udhëzimet e personelit të emergjencës”, shtoi guvernatori në një njoftim për shtyp të publikuar në platformën “X”.
Në Oregon, gjatë verës zjarret kanë djegur mbi 730,000 hektarë; të shtunën, më 1 gusht, u evakuuan më shumë se 25,000 banorë në pjesët qendrore dhe juglindore të shtetit. Një nga zjarret, në lindje të malit Hood, kishte djegur tashmë rreth 10,000 hektarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje