Nga Gazeta Si - Zyrtarët e doganave dhe oficerët e policisë së Berlinit kanë arrestuar pesë shqiptarë, anëtarë të një bande droge.
Ata akuzohen se kanë kontrabanduar 136 kilogramë marijuanë në Gjermani me vlerë rreth një milion euro.
Sipas “Berliner Zeitung”, hetuesit e Grupit të Përbashkët të Hetimit për Narkotikët kanë ndërmarrë veprime pasditen e së premtes së kaluar.
Sipas hetuesve, shtetasit shqiptarë të moshës 50, 40, 38, 27 dhe 22 vjeç donin të ngarkonin bimë kanabisi pranë një magazine në Velten në veri të Berlinit dhe t’i përgatisnin për rishitje.
Zyrtarët konfiskuan 32,990 euro para, që besohet se kanë ardhur nga shitja e drogave të tjera.
Një gjykatës lëshoi urdhra arresti për të pesë shtetasit shqiptarë. Sipas raportimeve, policia është në kërkim të anëtarëve të tjerë të bandës ndërkombëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.