Gazeta Si- Tre persona janë arrestuar në Tiranë, pasi u kapën me lëndë narkotike kanabis sativa. Operacioni i koduar “Four” çoi fillimisht në pranga një 31-vjeçar i cili u kap gjatë një kontrolli të policisë. Atij iu gjetën sasi kanabisi me vete.
Si rezultat i këtij operacioni u bë arrestimi i shtetasve Ll. D., 31 vjeç, L. S., 40 vjeç, dhe Xh. M. (L)., 30 vjeç.
Shtetasi Ll. D., është kontatuar nga shërbimet e Policisë në rrugën “Rexhep Tarja” dhe gjatë kontrollit fizik të tij iu gjetën sasi lënde të dyshuar narkotike kanabis.
Më pas është ushtruar kontroll në banesë ku u gjetën edhe një 40-vjeçar dhe një 30-vjeçar. Aty u gjetën dy thasë me kanabis me peshë 10 kilogramë.
"Në vijim të veprimeve, gjatë kontrollit të banesës, ku u gjetën shtetasit L. S., dhe Xh. M. (L)., shërbimet e Policisë, gjetën dhe sekuestruan në cilësinë e provës materiale, dy thasë të zinj me lëndë të dyshuar narkotike kanabis me peshë 10 kg", - njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.