Ndërtuesit e tuneli hekurudhor nënujorë më të gjatë në botë kanë arritur marrëveshjen. Ky tunel do të lidhë dy kryeqytetet e Finlandës dhe Estonisë dhe ka tërhequr 15 miliardë euro nga fondi kinez Touchstone Capital Partners.
Financimi nga Kina do të mbulojë të gjithë koston e projektit. Një e treta e financimit do të bëhet në formën e një investimi të kapitalit privat, duke i dhënë Touchstone një pjesë të pakicës, dhe dy të tretat janë financimi i borxhit, sipas memorandumit të mirëkuptimit. Tuneli i planifikuar midis Helsinkit dhe Talinës, do të jetë i gjatë më shumë se 100 kilometra. Qeveritë e Finlandës dhe Estonisë kanë thënë se do të punojnë drejt sigurimit të financimit të Bashkimit Evropian për tunelin, i cili mund të zvogëlojë sasinë e fondeve private. Financimi i Touchstone është në dispozicion të Finest Bay Area Development në këstet kur projekti përparon, me detajet financiare të kontratës që do të negociohet gjatë gjashtë muajve të ardhshëm. Megjithëse ndërtimi i tunelit nënujor ende nuk ka filluar, biletat e udhëtimit janë vënë në dispozicion që prej muajit dhjetor. Një udhëtim me një kalim do të kushtojë 50 euro për udhëtarët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.