Numri i viktimave në Itali ka arritur sot në mbi 5400, bilanci më i rëndë i shënuar deri më tani nga koronavirusi ndërkohë që numri i të prekurve ka shkuar në mbi 59 mijë.
Megjithatë, edhe pse shifrat i ngjajnë një bilanci lufte, për herë të parë në një muaj, numri i viktimave ka pësuar rënie. Në 24 orët e fundit në Itali, humbën jetën 651 persona, ndërkohë që ditën e djeshme numri i personave që ndërruan jete si pasoje e koronavirusit ishte afro 800.
Po ashtu numri i të rikuperuarve u ngrit me 952, duke e çuar numrin total të të shëruarve në Itali në 7,024 persona. Kreu i Mbrojtjes Civile Angelo Borrelli tha epidemia ka pësuar një sprapsje të lehtë. Numri i infektuarve është rritur me 3,957 në 24 orët e fundit (ndërkohë që dje u rrit me 4,821). Deri të dielën, më shumë se gjysma e të prekurve në Itali janë në izolimin në shtëpi dhe 3.000 persona mësohet se ndodhen nën kujdes intensiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.