Ka mbijetuar katër ditë në xhungël, duke ngrënë biskota një pilot brazilian, i cili është rrëzuar me avionin e tij turistik.
Të shtunën e shkuar në 3 nëntor ishte duke udhëtuar në kuotë të ulët, kur është përplasur mbi pyje, në një rajon të vështirë për t’u arritur nga autoritetet, sepse është e pasur me plantacione. Ai është shpëtuar vetëm para 3 ditësh në 7 nëntor në Peixoto de Axevedo, në shtetin Brazilian të MatoGrosso-s.
Maicon Semencio Esteves, 27 vjeç nga Paranà, ka humburkontrollin e avionit të tij të vogël për arsye akoma të paqarta. Sipas policisëlocale, menjëherë pas përplasjes, avioni u përfshi nga një zjarr. Ndërsa dilte me shpejtësi nga mjeti, i riu ka pësuar djegie në krah, duar dhe fytyrë. I plagosur, piloti ka përdorur telefonin e tij celular dhe Gps-në për t’u lokalizuar.
Harta e tij tregonte një sinjalizim që të çonte drejt pyllit, por ishte e pamundur për t’u ndjekur. Në katër ditët pasaardhëse, ai është ushqyer vetëm me biskota dhe ujë, deri sa u shpëtua nga autoritetet pak më shumë se 20 kilometra nga vendi i përplasjes. Incidenti është denoncuar nga një fermer i zonës, i cili ishte duke punuar tokën rreth 500 metra distancë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.