.png)
Nga Gazeta Si - Një skelë në një pallat në ndërtim ka rënë në zonën e ish-Parkut të Autobusëve në Tiranë ditën e djeshme, ku për pasojë kanë mbetur të plagosur dy këmbësorë që po kalonin aty.
Pjesa e shkëputur e skelës ka rrezikuar ndjeshëm jetën e dy kalimtarëve Hysen Lavdari 70 vjeç dhe një grua rreth 45 vjeçe Imelda Shkëmbi, dy kalimtarë të rastit që nuk njiheshin me njëri-tjetrin, po ecnin në trotuar në bulevardin “Gjergj Fishta” kur papritur, skela u shkëput nga pallati në ndërtim dhe u ra në kokë.
45-vjeçarja e dëmtuar është bashkëshortja e ish-kapitenit të Skënderbeut të madh, të kombëtares dhe sot trajneri i kombëtares U19, Bledi Shkëmbi. Nga burime konfidenciale pranë familjes, vajza ka dëmtime të rënda në fytyrë, jashtë rrezikut për jetën, por gjithsesi me dëmtime të rënda.
“Vajza ka qenë duke kaluar rrugën për të vajtur nga banesa e saj drejt një biznesi familjar, ku në pritje të hapjes së semaforit të këmbësorëve është goditur nga pjesët e shkëputura të skelës”, thonë familjarët për Gazetasi.al.
Gjithsesi deri më sot, 24 orë pas ngjarjes, asnjë përfaqësueses i objektit në ndërtim nuk është paraqitur pranë spitalit për tu interesuar, apo për të dhënë mbështetjen e tij në lidhje me këtë ngjarje që mund të ketë pasoja më të rënda për qytetarin tjetër, i cili është në gjendje të rëndë, i dëmtuar në pjesën e kokës.
Deri më tani për ngjarjen janë arrestuar inxhinieri dhe dy punëtorë të pallatit ku ndodhi incidenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
