Sot moti do të jetë me kthjellime dhe vranësira mesatare deri të dendura të pasuara nga reshje shiu të pakta në zonën Jug-lindore.
Temperaturat: Zona malore 3/8, Zona e ulët 8/17, Zona bregdetare 12/17 gradë celcius.
Meterologët shpjegojnë se era do të jetë jetë me drejtim Veri – lindje me shpejtësi deri në 15 m/sek. Valëzimi do të jetë i forcës 4 me lartësi vale 1.0 deri në 1.5 metër në det hapur. Temperaturat do të bien në mesditë. Kjo ka ndodhur si pasojë se Gadishulli i Ballkanit, po ndikohet nga qëndra ciklonike me presion të ulët atmosferik e cila ndikon edhe në vendin tonë.
Ndërkohë, ulja e temperatureve ka shënuar edhe reshjet e para të dëborës në zonat e larta malore.
Janë zbardhur nga dëbora Kukësi, Hasi dhe Tropoja.
Reshjet kanë përfshirë edhe fshatrat e zonës së Shishtavecit.
Mësohet se akset rrugore nacionale janë të qarkullueshme normalisht në të gjithë Qarkun Kukës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
