.png)
Gazeta Si- Gjykata e Durrësit ka liruar Bahrie Gjunin, gjyshen e cila mbajti peng nipin e saj 3 vjeçar.
Seanca në ngarkim të gjyshes u mbajt pa praninë e mediave, ndërsa gjykata caktoi për të "detyrim paraqitje" për veprën penale të rrëmbimit ose marrjes peng të personit. Gjyshja e mbajti të fshehur nipin e saj për tetë ditë.
Fillimisht në lidhje me ngjarjen pas denoncimit nga nëna e të miturit, ra në pranga gjyshi Rexhep Gjuni dhe kunati i tij, Arben Selaj.
Pasi e mbajti të fshehur për tetë ditë Barie Gjuni u vetëdorëzua në prokurorinë e Durrësit, bashkë me nipin e saj.
Në dëshminë e saj, ajo deklaroi se gjithçka e ka bërë në emër të dashurisë për nipin e saj dhe dëshirës së madhe për ta rritur vetë, pasi djali vdiq në aksident rretj një vit më parë.
Presioni policor, kërkimet e shumta dhe negociatat me familjarët e saj çuan në vetëdorëzimin e gjyshes së bashku me të miturin, i cili në gjendje të mirë shëndetësore u mor nga e ëma Ille Gjuni.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
