Drejtoresha e Institutit të Shëndetit Publik, Albana Fico, njoftoi vendimin që maska të bëhet e detyrueshme në të gjitha ambientet jashtë shtëpisë.
“Udhëzuesi mbi përdorimin e detyrueshëm të maskave në ambientet jashtë shtëpisë”, që paraqet kriteret e përgjithshme, rregullat dhe përjashtimet për përdorimin e barrierave mbrojtëse (maskave) në ambientet jashtë shtëpisë, me qëllim zvogëlimin e përhapjes së mundshme të COVID-19. Udhëzuesi përmban parimet e përdorimit të maskës dhe gjithashtu rastet kur ajo duhet të mbahet në ambientet jashtë shtëpisë,” theksoi Fico, tek sa përcaktoi se ku duhet të mbahet maska plotësisht, ku mund të modifikohet mbajtja e maskës dhe ku nuk është e nevojshme të mbahet.
Maska mbahet gjatë gjithë kohës
1-Kur dilni nga shtëpia, (të gjithë personat mbi moshën 11 vjeç).
2-Gjatë gjithë ditës, përgjatë të gjithë aktivitetit jashtë shtëpisë.
3-Në çdo dyqan, super-market dhe çdo aktivitet tregtar.
4-Në të gjithë mjetet e transportit publik dhe jo publik.
5-Gjatë ecjes në rrugë dhe në të gjtihë vendet publike të hapura si park apo shesh.
6-Gjatë gjithë aktivitetit të punës në zyra të të gjithë institucioneve publike dhe jo publike.
7-Teatër, kinema, muze, biblioteka etj.
8-Në hyrje dhe dalje nga banesa si dhe ashensorë.
9-Përpara dhe pas konsumit të ushqimit në bare dhe restorante.
10-Në motoçikletë kur merr një person tjetër jo anëtare të familjes
11-Nëse jeni duke u kujdesur në shtëpi për një familjar me COVID-19.
12-Në të gjitha institucionet fetare.
13-Nga personat që e kanë kaluar SARS COV -2 për t’u mbrojtur nga shkaktarët e tjerë infektivë respiratorë.
14-Në institucionet arsimore dhe ato të kujdesit shëndetësor sipas rekomandimeve të mëparshme.
Ndërkohë, udhëzuesi përcakton edhe situatat kur mbajtja e maskës nuk mund të jetë e mundur.
1-Nëse kërkohet për qëllime të identifikimit personal nga zyrtarët përkatës në polici, në bankë, postë, gjykatë, etj
2-Gjatë ngrënies apo konsumimit të pijeve por në hyrje e në dalje nga baret dhe restorantet maska duhet të vendoset.
3-Gjatë procesit të manipulimeve dentare por në hyrje e në dalje nga klinika maska duhet të vendoset.
4-Nga personat që mbajnë/drejtojnë lutjen/shërbesën/ceremoninë fetare.
5-Nga persona me humbje të dëgjimit dhe të folurit ose për personat gjatë kohës së komunikimit me ta, nëse nuk kanë mundësi të përdorin maska të posaçme (trasparente).
6-Nëse kërkohet nga stafi i dyqaneve ose maketeve përkatëse për identifikim të moshës, përfshirë blerjen e produkteve me moshë të kufizuar, siç janë duhani dhe alkooli.
7-Nga punëtorët që punojnë në ambiente të jashtme, gjatë procesit të punës kur sigurohet distance fizike jo më pak se 1.5m.
8-Nga të ftuarit në emisionet televizive me kusht që të ruhet distanca jo më pak se 1.5 metra.
Gjithashtu përcaktohen edhe rastet kur janë përjashtuar tërësisht mbajtja e maskave.
1-Në të gjitha rastet kur përdorimi i maskës dëmton shëndetin sipas rekomandimit të mjekut të familjes.
2-Nga persona me sëmundje që i bëjnë të paaftë për përdorimin maskës.
3-Gjatë ushtrimit të aktiviteteve sportive.
4-Nga persona të cilët lëvizin të vetëm me biçikletë, motoçikletë apo monopatinë.
5-Kur në makinë është vetëm drejtuesi i mjetit ose persona që kanë lidhje familjare me të.
6-Në aktivitete që mund të shkaktojnë lagien e maskës, si p.sh. gjatë larjes në pishinë, liqe ose në det.
7-Në shtëpi me anëtarët e ngushtë të familjes.
Më tej Fico deklaroi gjithashtu se mos respektimi i këtyre masave çon në penalitete sipas Aktit Normativ të përcaktuar, me 3 mijë lekë për shkelësit herën e parë dhe 5 mijë lekë për herë të dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.