Ashtu sic ishte paralajmëruar, masat antiCOVID në Britaninë e Madhe duke nisur nga e hëna (12 Prill) do të vijnë duke u lehtësuar. Por cilat janë ato? “The Guardian” ka bërë një përmbledhje e atyre që do të lejohen.
Dyqane, parukeri dhe kopshte zoologjike
Të gjithë dyqanet jo-thelbësore mund të hapen përsëri nga 12 Prilli por blerësit këshillohen të të blejnë vetëm ose vetëm me familjen.
Shitësit me pakicë do të zhvillojnë aktivitetin e tyre deri në orën 10:00 të mbrëmjes në përputhje me protokollet antiCOVID.
Parukeritë dhe sallonet e thonjve gjithashtu do të hapen, por u është rekomanduar të shmangin trajtimet e gjata për të zvogëluar kohën e kontaktit.
Kopshtet zoologjike dhe parqet do të rihapen gjithashtu.
Pubet
Pubet dhe restorantet lejohen të hapen dhe t'u shërbejnë klientëve vetëm jashtë ambientit, pra në një mjedis të hapur
Grupet janë të kufizuar në gjashtë persona ose dy familje.
Për të konsumuar alkool nuk do të ketë ndalim-ore.
Udhëtime
Nga e hëna, vendet e kampingut do të jenë të hapura. Ndërsa hotelet do të vijojnë të qëndrojnë të mbyllura.
Palestra
Palestrat do të rihapen të hënën, por njerëzit duhet të ushtrohen vetëm ose me familjen e tyre. Ushtrimet në grup ende nuk do të lejohen.
Saunat në palestra do të qëndrojnë të mbyllura, por pishinat e brendshme dhe vendet e tjera të ushtrimeve të brendshme do të rihapen.
Dasmat dhe funeralet
Mund të bëhen dasma dhe ceremoni civile, si dhe pritjet. Por kufiri maksimal i te ftuarve nuk duhet të tejkalojë numrin 15 nga 6 që ishtë deri tani.
Funeralet do të vijojnë aktivitetin me një numër të kufizuar njerëzish deri në 30.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.