Ish-efektivi i policisë, Glen Ndreu është dënuar nga Gjykata Penale e Tiranës me 4 muaj punë në interes të publikut për dhunimin e një të mituri.
Ngjarja ndodhi gjatë periudhës së karantinës në zonën e Liqenit Artificial në kryeqytet në maj të vitit 2020.
15-vjeçari së bashku me një mikun e tij kishin dalë pa leje për të bërë xhiro me biçikletë.
Pas ngjarjes, efektivi u pezullua nga detyra nga SHÇBA. Ai dallohet në videot e publikuara në rrjetet sociale, teksa godet me shuplakë 15-vjeçarin.
Ndërkohë për tre efektivët e tjerë që tërhoqën zvarrë të riun nisi një hetim nga Drejtoria e Standarteve. Ngjarja shkaktoi reagime të shumta dhe një valë zemërimi mes qytetarëve.
Disa aktivisë dhe drejtues të organizatave për të drejtat e njeriut, kërkuan madje edhe dorëhqejen e Drejtorit të Përgjithshëm të Policisë, Ardi Veliu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.