.png)
Gazeta Si – Tenisti rus ka humbur në setin e 5-të ndaj brazilianit Tiago Seiboth Uild, numri 172 në botë. Ishte një ndeshje maratonë prej 4 orësh e 15 minuta. Pas fitores në Itali, Medvedev eliminohet befasisht që në turin e parë të Roland Garros.
Një pasdite makthi për rusin, që i jep menjëherë lamtumirën turneut francez, pas humbjes 7-6, 6-7, 2-6, 6-3 dhe 6-4 ndaj Uild. Ka kaluar pa probleme Rud, që eliminoi në 3 sete Elias Ymer (6-4, 6-3 dhe 6-2). Kanë avancuar edhe Rune, Zverev dhe Fritz, ashtu si Shviatek te femrat.
Twists and turns 🎢
— Roland-Garros (@rolandgarros) May 30, 2023
Qualifier Thiago Seyboth Wild makes an emphatic entrance to his first #RolandGarros main draw appearance, knocking out No.2 seed Medvedev 7-6(5), 6-7(6), 2-6, 6-3, 6-4. pic.twitter.com/awnQzXHbFs
Danil Medvedev vuajti shumë në dheun e kuq gjatë gjithë ndeshjes, edhe pse ndeshej me një kundërshtar që mban vendin e 172-të në renditjen botërore. Braziliani ka eliminuar kokën e serisë numër 2 ta favoritëve. Medvedev nuk njihej sot në fushë, humbi setin e parë, më pas reagoi me krenari, por fundi ishte sërish kaos. Rusi ishte mjaft nervoz dhe shpesh pati zënka edhe me publikun.
Te femrat janë kualifikuar Elena Ribakina, e cila mundi në 2 sete çeken Fruhvirtova. Pak vështirësi për Koko Gauf, që humbi setin e parë ndaj spanjolles Masarova, por fitoi më pas 6-1 dhe 6-2 dy setet e tjerë, duke kaluar turin. Gjithçka e lehtë për Iga Shviatek, kokë serie numër 1, që mundi spanjollen Buksa 6-4 dhe 6-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
