.png)
Një ndryshim epokal, por edhe një rikthim në antiken. NBA ka bërë të ditur zyrtarisht se nga sezoni 2021-22 do të ndryshojë firmën e topit, duke braktisur “Spalding”, me të cilin luante që nga viti 1983, për t’u kthyer tek “Wilson”. Me këtë top basketbolli amerikan ka luajtur në 37 vitet e para të historisë së tij.
Kompania lider e prodhimit të topave të basketbollit dhe jo vetëm, e bërë e famshme edhe për filmin “Cast away” me Tom Henks, do të furnizojë me topa “G-League”, “Wnba”, “NBA 2k League” dhe sezonin e parë të “Basketball Africa League”, liga e re afrikane e organizuar nga NBA dhe FIBA, një ligë që pritet të debutojë në mars, por është që është në “stand-by” nga koronavirusi.
Drejtuesit e basketbollit amerikan i kanë kërkuar kompanisë “Wilson” të përdorë të njëjtat materiale, të njëjtën strukturë me tetë panele dhe të njëjtat detaje me ato aktuale. NBA dhe Sindikata e lojtarëve do të punojnë me një “task force” që do të vëzhgojë “Wilson” për të bërë dhe më pas aprovuar topin e ri. “Impenjimi ynë për të rritur nivelin e basketbollit është një hap përpara me këtë bashkëpunim me NBA-në”, - ka thënë Kevin Mërfi, menaxheri i përgjithshëm i pjesës së basketbollit të “Wilson”. – Do të hapet një kapitull i ri me idenë për t’u përqendruar te mbështetja e ligës dhe lojtarëve të saj, trajnerëve e tifozëve, duke ofruar topa që janë më të përparuar”.
Të gjitha imazhet e viteve të fundit të NBA-së, kur ka pasur një përhapje globale dhe që e kanë bërë një nga ligat sportive më të njohura, janë të lidhura me topat “Spalding”, ato me qepje portokalli dhe me logon e NBA-së. Ata topa që çdo i pasionuar basketbolli ëndërronte të kishte, të prodhuar nga kompania që ka prodhuar një top specifik për basketbollin në vitin 1894, me kërkesën e Xhejms Naismith.
“Bashkëpunimi me “Wilson” është një kthim në origjinë, - shpjegon Salvatore LaRoka, një drejtues i lartë i NBA-së. – Kemi qenë partnerë me “Wilson” për 37 vjet, që kur kjo kompani ka prodhuar topat e parë të historisë së NBA-së në sezonin e parë, më 1946. Mezi presim të bashkëpunojmë sërish dhe të rrisim nivelin e kësaj loje”. Bashkëpunimi do të nisë në një sezon që NBA shpreson të jetë historik, i 75-i. Drejtuesit para pandemisë kishin planifikuar aktivitete, festime dhe ndryshime. Dhe i pari është bërë i ditur, ndryshimi i topit me të cilin liga ka kujtimet më të bukura. Nga Mexhik Xhonson e Bërd tek era Majkëll Xhordan dhe Kobi Branjat, Shak Onill e LeBron Xhejms e revolucioni i 3 pikëve. Të gjithë kanë një të përbashkët: topin me qepje portokalli të errët, me logon e NBA-së, të firmosur nga “Spalding”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
