.png)
Disney po punon për një pjesë të dytë të filmit hit të vitit 2006, “The Devil Wears Prada” ("Djalli vishet me Prada").
Të gjithë yjet kryesorë nga filmi i parë, duke përfshirë Anne Hathaway, Meryl Streep, Emily Blunt dhe Stanley Tucci, plus regjisori, producentja dhe skenaristja po punojnë gjithashtu për skenarin e vazhdimit dhe çdo detaj tjetër.
Historia thuhet se ndjek Miranda Priestly-n, redaktoren e modës të luajtur nga Meryl Streep, teksa përballet me rënien e interesit ndaj revistave të printuara për shkak të publikimeve në hapësira digjtale.
Kundërshtarja e saj e re është asistentja e dikurshme Emily Charlton (e luajtur nga Emily Blunt në filmin e parë), e cila tani ka fuqinë të vendosë kontrata reklamuese fitimprurëse.
Lauren Weisberger punoi si asistente e redaktores amerikane të Vogue, Anna Wintour, përpara se të merrej me letërsi; Personazhi i Miranda Priestly-t supozohet se është frymëzuar nga ish-shefja e saj, e cila është ende kryeredaktorja e Vogue.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
