.png)
Në 24 orët e fundit është regjistruar një aktivitet i shtuar sizmik në vendin tonë, që kulmoi me tërmetin e orës 01:25 minuta pas mesnate me magnitudë 4.6 të shkallës Rihter.
Epiqendra e këtyre lëkundjeve ishte 20 kilometra në veri-perëndim të qytetit të Cërrikut. Lëkundjet u ndjenë në Elbasan, Peqin, Belsh, më lehtë në Tiranë, Durrës, Lushnje e Fier.
Ministria e Mbrojtjes deklaroi se deri më tani nuk ka raportime as pë të lënduar dhe as për dëme materiale.
Ndërkohë, sipas Qendrës Mesdhetare Sizmike, në 24 orët e fundit në Shqipëri janë regjistruar 9 tërmete me magnitudë nga 2.1 deri në 4.6 të shkallës Rihter.
Lëkundjet e fundit u regjistruan rreth orës 9 të së enjtes me magnitudë 3.6 dhe epiqendër 15 kilometra në jug-lindje të qytetit të Fierit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
