.png)
Orët e paradites do të paraqiten me alternime kthjellimesh dhe vranësirash deri mesatare, ku në zonat jugore dhe pjesërisht në qendër do të jenë më të dendura duke gjeneruar rrebeshe të izoluara shiu.
Ndërsa orët e pasdites dhe në vijim do të sjellin reshje të pakta shiu në të gjithë Ultësirën Perëndimore si edhe reshje të izoluara dëbore në zonat e thella malore.
Gjatë natës pritet përmirësim i dukshëm i kushteve atmosferike në vend.
Temperaturat e ajrit do të pësojnë rritje në të dy vlerat ekstremale ditore duke u luhatur nga 3°C vlera minimale e shënuar në zonat malore deri në 21°C vlera maksimale e cila pritet në zonat bregdetare.
Era do të fryjë e lehtë deri mesatare gjatë gjithë ditës duke arritur shpejtësinë maksimale deri në 45-50 km/h nga drejtimi Verior; për pasojë në brigjet detare do të krijohet dallgëzim 4 ballë.
Java e parë e muajit prill pritet të ketë reshje shiu, të cilat do të jenë të pakta, por do të kenë shtrirje thuajse në të gjithë vendin.
Ndërkohë, të paktën 2 episode me reshje dëbore do i kemi edhe në prill në zonat malore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
