.png)
Ka një sërë artikujsh që na tregojnë se çfarë duhet të bëjmë për të parandaluar Covid-19. Kjo sëmundje përhapet me shpejtësi dhe duket që pasojat e saj janë fatale. Duke qenë se kjo është një sëmundje e re, ka shumë pak informacion për të dhe këto kohë të gjithë janë të “etur” për informim, mbi gjendjen që shkakton si dhe çfarë trajtimi duhet ndjekur.
Në një studim të fundit të botuar në Springer Medizin Verlag (shtëpi botuese për librat mjekësorë në gjermani), mjekë të ndryshëm gjermanë kanë krijuar një artikull të posaçëm me rekomandimet e duhura se si duhet të trajtohen pacientët në terapinë intensive.
Fillimisht ekspertët rekomandojnë se duhet të merren me sëmundjen një epik multidisiplinar si infermierë, infeksiolog dhe higjenistë spitalor. Ata shpjegojnë se diçka thelbësore është higjiena bazë dhe mbrojtja e personelit. Mjekët theksojnë se verifikimi i sëmundjeve duhet të bëhen nëpërmjet testimit të duhur. Duke qenë se pacientët që kanë sëmundje të avancuar, mund të rezultojnë fillimisht negativ, duhet pasur parasysh nga mjekët që duhet të kryhet edhe një herë testi.
Ata shprehen se gjendja klinike e COVID-19 manifestohet si infeksion i traktit respirator dhe për 81% e pacientëve kanë simptoma të buta. Ndërkohë, mjekët shpjegojnë se tek pacientët kanë nivelin e oksigjenit në gjak poshtë nivelit të duhur (hipoksemi), duhet përdorur ventilimi invaziv, pasi gjendja përkeqësohet në rast vonese.
Procedurat që duhen ndjekur për intubacionin.
Mjekët kanë shkruar se këto procedura duhen ndjekur vetëm nëse është absolutisht e nevojshme dhe me masat përkatëse, duke filluar që nga maskat e duhura të fytyrës, të cilat duhen të jenë FFP2 ose FFP3. Ekspertët, kanë shpjeguar se në rastin e frymëmarrjes invazive duhet kryer një thithje e mbyllur dhe kjo procedurë, pra vendosja e pacientit në intubacion, duhet të behet vetëm nga një doktor me eksperience të madhe.
“Nëse është e mundur duhet kryer një induksion me sekuencë të shpejtë pa ventilim të ndërmjetëm për të minimizuar formësimin e sekrecioneve,” thuhet në artikullin e mjekëve.
Sipas tyre pjesë e procedurës këshillohet përdorimi i një video-laringoskopi që mundëson një shikim më të qartë për gjendjen e pacientit. Duhet rezervuar përdorimi i stetoskopit për kontrollin e pozicionit të tubit, ndërkohë që nëse nevojitet reanimimi duhet pajisur i gjithë stafi mjekësor me masa mbrojtëse, ndërsa sigurimi i rrugëve të frymëmarrjes duhet bërë sa më shpejt, me një numër sa më të vogël personeli.
Masat ndihmese për ventilimin invaziv
Për sa i përket pacientëve të përkeqësuar rekomandohet një ventilim me volum 6ml/kg, një ekografi standarde dhe trysni “end-inspiratore” të rrugëve të frymëmarrjes (30 cm H2O). Ndërsa PEEP (Presioni pozitiv fundor-ekspirativ), presioni i ajrit në mushkëri duhet të jetë mjaftueshëm i lartë, gjithashtu gjatë kësaj kohe pacienti duhet pozicionuar me shtrirje barkas për të paktën 16 orë. Nëse flitet për raste ku për shume kohë nuk ka oksigjen në gjak në nivelin që duhet, merret në konsiderate aplikimi i manovrave të rekrutimit pulmonal. Ndërsa për pacientët në gjendje më të rëndë, një opsion tjetër terapie është përdorimi i ECO veno-venoze (Oksigjenimi i membranës ekstrakorporale), gjithashtu duhen përjashtuar kondraindikacionet dhe duhet vlerësuar edhe vullneti i pacientit.
Terapia që duhet të përdoret
Mjekët theksojnë se terapitë specifike antivirale nuk kanë ende të dhëna të mjaftueshme. Ka tentativa terapish sipas mjekëve me një numër substancash si lopinavir, ritonavir, camostat, redenvisir. Përdorimi i tyre mund të kryet vetëm pas një vlerësimi nga mjekët që kryejnë terapinë se nuk ka rrezik. Ndër të tjera në studim shpjegohet se nuk duhet të përdoren sterilet (përbërës biologjikisht aktiv) vazhdimisht sepse marrja e tyre vonon pastrimin viral dhe favorizon rritjen e kërpudhave. Ndër të tjera mjekët kanë shpjeguar se duhet një terapi me dozë të ulët kortizoni.
Antibiotikët
Ekspertët kanë shpjeguar se nuk këshillohet një terapi profilaktike me antibiotikë. Kjo terapi duhet të niset nëse dyshohet një konfeksion dhe antibiotikët duhet të jenë sipas antibiogramit.
Masat për insuficiencë respiratore në rast të menjëhershëm të mos furnizimit me aq sa duhet me oksigjen.
Terapia e hidratimit me volum intravenoz duhet të jetë e rezervuar, veçanërisht në mungesë të shokut hipovolemik, kur organet nuk furnizohen aq sa duhet me gjak. Qëllimi është të sigurohet oksigjenimi i menjëhershëm në gjak dhe rekomandohet masa “ SpO2 90%”. Duhet të ketë kushte absolutisht të nevojshme për këto forma terapie tek ky grup pacientësh pasi përshtatja e maskës jo-invazive në fytyrë është e rëndësishme për pacientin dhe personelin. Gjithashtu, rekomandohet edhe përorimi i saktë i pajisjeve mjekësore nga stafi mjekësor.
Mjekët shpjegojnë se preferohet ventilimi jo invaziv me helmetën e ventilimit
Në vëzhgimet paraprake të mjekëve, ata kanë vlerësuar se tek një person me COVID-19 në analizat e gjakut shfaqet shpesh limfopeni, pakësim i pjesëve përbërëse të rruazave të gjakut dhe shumica e pacientëve kanë një nivel normal të hormonit të prokalcitonine, nëse nivelët e saj nuk janë të larta dhe duhet të merret parasysh edhe infeksionet bakteriale.
Proteina reaktive e cila prodhohet nga mëlcia dhe është shumë e rëndësishme për organet e tjera jetësore, shpesh është e lartë dhe kjo çon në një përkasim të gjendjes. Trombocitopeni, pakësimi i trompocidëve në gjak e mund të gjendet tek rreth 40 për qind e pacientëve. Sipas përvojave të deri tanishme, mjekët theksojnë se rritja e vlerave të gjakut, nënkupton një manifestim të rëndë të sëmundjes. Ndër të tjera ata theksojnë se rritja e proteinës së Troponinës shihet tek pak pacientë, por rëndësia e saj nuk dihet ende në këtë sëmundje.
Për sa i përket imazherisë, mjekët rekomandojnë skanerin dhe duhet që ekzaminimet të kryhen në krevat. Ndërsa, për sa i përket akomodimit, dihet tashmë që duhet të jetë në një dhomë të izoluar dhe duhet të kontrollohen nga një staf i mirë trajnuar, të cilët duhet të kujdesen vazhdimisht për higjienën bazë.
*Studimi është kryer nga mjekë të ndryshëm gjermanë si Stefan Kluge, Uwe Jamssems-Tobias e Weber Carstens, ndërsa përkthimi në shqip është kryer nga Ermal Xhaho i cili është mjek ORL dhe Kirurgji plastike të fytyrës në klinikën Schön Klinik Düsseldorf
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
