.png)
Pas akuzave se e kanë lënë pas dore sezonin e fundit të “Game of Thrones” për shkak të marrëveshjeve me Disney, David Benioff dhe D.B. Weiss kanë vendosur të lënë “Star Wars” për të përmbushur angazhimet me Netflix.
Regjisorët e Game Of Thrones, David Benioff dhe D. B. Weiss, nuk do të punojnë më në trilogjinë e re të “Star Wars” të planifikuar për vitin 2022, pasi çifti nuk do të kishte kohë të mjaftueshme për t'u përqendruar në të për shkak të marrëveshjes shumëmilionëshe të nënshkruar me Netflix - rreth 200 milionë dollarë.
“Ne i duam ‘Star Wars’, puna e bërë nga George Lucas na ka formuar”, janë shprehur Benioff dhe Weiss gjatë një interviste për ‘Deadline’.
“Të diskutosh për “Star Wars” me të dhe ekipin ishte emocioni më i madh i jetës sonë, dhe ne do të jemi gjithmonë borxh ndaj sagës që ndryshoi gjithçka. Megjithatë orët e ditës janë të kufizuara dhe ne mendojmë se nuk do të jetë e mundur të japim më të mirën as me “Star Wars” ose me projektet tona për Netflix. Është një keqardhje e madhe që ne jemi të detyruar të hedhim një hap prapa”.
Me pak fjalë, duket se të dy nuk duan të përsërisin gabimet e së kaluarës pasi, pas marrëveshjes së nënshkruar me Disney për “Star Wars”, shumë fansa të “Game Of Thrones” i kishin akuzuar ata për shpërfillje të sezonit përfundimtar të sagës të vendosur në Westeros për t’u përqendruar në galaktikën e largët.
Të tre filmat me regji nga Benioff dhe Weiss duhej të kishin përfaqësuar një kapitull të ri të “Star Wars”, vazhdimi i përfundimit të trilogjisë që do të përfundojë me filmin e ri “The Ascent” nga Skywalker.
“David Benioff dhe Dan Weiss janë dy regjisorë të jashtëzakonshëm”, tha Kathleen Kennedy, presidenti i Lucasfilm, “shpresojmë t’i kemi përsëri ata me ne në të ardhmen, kur ata janë të lirë nga angazhimet për t'u përqendruar në “Star Wars”, në mënyrën më të mirë të mundshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
