Gazeta Si – Vdekja e Mbretëreshës Elisabet është pasur menjëherë me mesazhe ngushëllimi nga gjithë bota. ‘Vdekja e saj është një shok për kombin dhe gjithë botën”, - ka thënë kryeministrja britanike Liz Truss.
Ajo ka folur për britanikët nga Downing Street. ‘Mbretëresha ishte një shkëmb, ku ishte ndërtuar vendi ynë. Britania e Madhe duhet të bashkohet për të mbështetur dhe për t’i ofruar besnikëri e devotshmëri Mbretit Karl III”, - ka shtuar Truss, duke e mbyllur me frazën "God Save The King".
Reagimet ishin të menjëhershme nga gjithë protagonistët kryesorë të politikës. Mario Draghi është shprehur: "Ishte protagoniste absolute e historisë botërore të 70 viteve të fundit. Familjes mbretërore, qeverive dhe gjithë qytetarëve britanikë u shpreh ngushëllimet më të sinqerta".
Papa: Shembull devotshmërie
"Dhimbje e thellë nga lajmi i vdekjes së Mbretëreshës Elisabet II. Ngushëllime të sinqerta familjes mbretërore, popullit të Mbretërisë së Bashkuar dhe Commonwealth", - shkruan Papa Françesku në telegramin e ngushëllimit për vdekjen e Mbretëreshës Elisabet II.
"Bashkohem me të gjithë ata që vajtojnë për humbjen e saj dhe lutem të pushojë në paqe. Homazh për jetën e saj në shërbim pa rezerva për të mirën e kombit. Një shembull devotshmërie ndaj detyrës, i besimit te Jezu Krishti", - shkruan gjithashtu Ati i Shenjtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.