.png)
Kryeministri Edi Rama konfirmoi deklaratën e ministres Belinda Balluku duke deklaruar se pas grevës së punonjësve të Albcontrol qëndrojnë arsye politike.
Ai akuzoi Berishën dhe Metën se kanë sabotuar aktivitetin e aeroportit të vetëm shqiptar, në mënyrë që në Shqipëri të mos vijnë vaksinat.
“Sabotimi i rëndë i aktivitetit të Aeroportit "Nënë Tereza" nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës "Leshko" dhe fsheh dorën, duan mbylljen e aeroportit për të mos ardhur vaksinat!”, tha ai.
Për organizatorët e grevës premtoi ndjekje penale.
“Organizatorët do të kallëzohen penalisht dhe do të përballen me ligjin, që ndalon rreptësisht ndërprerjen e aktivitetit të kullës nga ana e kontrollorëve! Të tjerët duhet të vendosin menjëherë: O me shtetin në punë, o me anti-shtetin në një proces penal për cenim të sigurisë kombëtare!”, thotë Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
