.png)
Nga Gazeta 'Si'-Kryeministri Edi Rama i është përgjigjur pozitivisht ftesës së homologut Albin Kurti për firmosjen e 13 marrëveshjeve mes dy qeverive, pas shtyrjes që iu bë mbledhjes në pranverë.
Në një postim në Twitter, Rama iu përgjigj duke thënë se 13 marrëveshjet e mbledhjes së dy qeverive të firmosura nga pala shqiptare, janë dorëzuar në ministrinë e jashtme në Kosovë. Ai ka shtuar se me kundërfirmosjen e palës kosovare ato hyjnë menjëherë në fuqi.
Pas pak drejt Shkupit për të nisur vizitën dyditore në kryeqytetet e Ballkanit Perëndimor. Sot të mëngjes janë dorëzuar në ministrinë e jashtme në Kosovë të 13 marrëveshjet e mbledhjes së dy qeverive të firmosura nga ana jonë. Me kundërfirmosjen e palës kosovare ato hyjnë… pic.twitter.com/JWrnpegYoI
— Edi Rama (@ediramaal) July 6, 2023
“Mbetem me shpresë se pas heqjes së merakut të shprehur publikisht nga KM Kurti për qytetarët e penguar të përfitojnë nga 13 marrëveshjet, do të kemi edhe konfirmimin e takimit me Albinin sot pasdite”, shkroi Rama në një postim në Twitter.
Rama do të jetë në Kosovë pasdite në kuadër të turit të tij 2-ditor në Ballkan.
Një ditë më parë, Kurti tha në një konferencë për mediat se ka kërkuar nga Rama që së pari të mbahej mbledhja e përbashkët mes dy qeverive, që sipas tij, u anulua në mënyrë të paarsyeshme. Nëse nuk do të mbahej mbledhja, ai theksoi që nuk do të kishte takim bilateral.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
