.png)
Kryeministri Edi Rama zhvilloi një vizitë zyrtare në Shkup në kuadër të përgatitjes për samitin e tetorit që do të mbahet në Tiranë për Procesin e Berlinit.
Pas takimit dhe vizitës së dy delegacioneve, kryeministri Edi Rama dhe homologu i tij Dimitar Kovaçevski zhvilluan një konference për shtyp ku në fjalën hapëse të dy ata folën për Procesin e Berlinit.
Por interesi i medias ishte fillimisht tek refuzimi i ftesës së kryeministrit të Kosovës, Albin Kurti, të cilin Rama ende e pret në një takim gjatë vizitës që do të mbajë mbasdite në Prishtinë.
“Këtë ta trajtojmë mes shqiptarësh në Kosovë kur të shkoj, kam akoma shpresë që Albini nuk e ka harruar kanunin që kur vjen në shtëpi edhe hasmit i hapet dera dhe është e ndaluar që ta nxjerrësh deri kur ai të mbarojë fjalën”, u përgjigj Rama pyetjes se ai kishte koment mbi refuzimin e deritashëm të kryeministrit të Kosovës, Albin Kurti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
