Të hënën do të vijë 15.000 doza nga kompania Pfizer, ndërkaq do të lëvrohet dhe një pjesë e sasisë së formacionit COVAX nga mesi i muajit të ardhshëm. Lajmi u bë i ditur nga Ministrja e Shëndetësisë Ogerta Manastirliu, gjatë ndjekjes së procesit të vakasinimit të personave +80 në qendrën e vaksinimit në Arenën Kombëtare, së bashku me kryeministrin Edi Rama. Manastirliu shtoi se personat që do të vaksinohen janë përzgjedhur nga mjekët e familjes.
Ministrja e Shëndetësisë tha se janë duke u përgatitur vaksinatorët e rinj, të cilët do të shpërndahen në të gjithë vendin, për të vijuar me vaksinimin kapilar.
“Jemi duke u përgatitur për vaksinatorët e rinj, pra për infermierët të cilët do të kryejnë në Arenën Kombëtare trajnimin, që më pas të shpërndahen në të gjithë vendin. Janë të rinj të cilët janë përzgjedhur nga portali, por edhe studentë, dhe forcat e armatosura, për të filluar vaksinimin kapilar në momentin që do të kemi edhe vaksinat”, tha Manastirliu.
Duke i’u referuar ardhjes së dozave të tjera të vaksinës Manastirliu tha se: “Ndërkohë ne presim 15 mijë vaksina ditën e nesërme. Dhe brenda 10 ditëshit të parë 14 mijë vaksinat e Astra Zeneca nga instrumenti Covax, ku do të fillojmë vaksinimin edhe nën 65 vjeç, sigurisht me targetin e përcaktuar nga ISHP me mesuesit”, u shpreh Ministrja e Shëndetësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.