Në një bashkëbisedimi me biznese Start Up dhe sipërmarrje të reja kryeministri Edi Rama tha se 150 Start Up-e janë ndihmuar drejtpërdrejt, ndërsa në vizionin e tij të Shqipërisë 2030, ai tha se ky sektor do të zërë një peshë të madhe.
“Nismat e këtij lloji ishin individuale pa asnjë rreze drite. Së pari dua të them që ne kemi vendosur një fond të veçantë në dispozicion të sipërmarrjeve të kësaj natyre duke i shtrirë nga shërbimim te prodhimi… Në këtë skemë më vjen mirë të them që nga 61 ndërmarrje të vogla dhe të mesme që kanë përfituar dhe që përbëjnë 66% të aplikuesve, 30 ndërmarrje janë fituese dhe kanë marrë mbështetje në fushën e audititimit, të informacionit…”, tha Rama
Sipas tij, në këtë skemë është përfshirë dhe Be dhe janë deri më sot 150 start Up-e që janë ndihmuar drejtpërdrejt dhe të gjitha këto shifra vlejnë vetëm për të thënë diçka që këtu ka shumë potencial për të zhvilluar dhe jemi në fazën e çeljes së një embrioni.
“Për këtë arsye ne besojmë shumë se ndërveprimi me ju është themelor, dhe ju sduhet të ndiheni si aktorë pasiv në këtë proces por duhet të jeni aktorë aktiv, duhet të nxisni gjetjen e rrugëve për të dhënë përgjigje të reja së bashku dhe besoj shumë që ju na keni ndihmuar realisht me punën dhe dëshmitë tuaja të punës që të shohim më lartë dhe të kuptojmë më mirë se këtu ka një prespektivë të jashtëzakonshme”, u shpreh kryeministri.
“Ka një potencial real për ta zhvilluar këtë sektor, dhe në mbyllje dua të them që në vizionin e Shqipërisë 2030 pesha që zë ky aspekt po themi i jetës sonë ekonomike dhe sociale është shumë herë më e madhe se sa pesha që ka zënë në të shkuarën në raport me aspekte të tjera është një aspekt që ndërthyret me aspektet e tjera dhe i fuqizon në çdo fushë”, tha Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.