.png)
Tenisti spanjoll, Rafel Nadal, do të zbresë në fushë nga 16 deri më 18 dhjetor, në takimin klasik të emirateve, ku do të rikthehet edhe tenisti austriak, Thiem.
Tashmë është e konfirmuar zyrtarisht se Nadal do t’i kthehet fushës në fund të këtij viti, kur do të marrë pjesë në “Mubadala World Tennis Championship”, turneu tradicional i ekzibicionit në çimenton e Abu Dhabit, që këtë vit zhvillohet më 16-18 dhjetor.
Për spanjollin, që ditët e fundit ka njoftuar se dëshiron të marrë pjesë në “Australian Open 2022”, bëhet falë për një rikthim 4 muaj pasi ka luajtur një turne t rëndësishëm. Rafael Nadal nuk luan që nga humbja me Gjokoviçin në gjysmëfinale të “Roland Garros”. Ai u rikthye në “Atp 500” të Uashingtonit dhe pas eliminimit nga Herris, kishte vendosur ta mbyllte sezonin për t’u rikuperuar nga dëmtimi në këmbën e majtë.
Përveç Nadalit, në turneun e Abu Dhabit do të rikthehet edhe Dominik Thiem, pas 6 muajsh stop. Rafa, edhe pse bëhet fjalë për një ekzibicion, do të ndeshet me fituesin e ndeshjes mes austriakut dhe Andi Mërreit. Në anën tjetër të tabelës, Andrei Rublev pret fituesin e sfidës Rud-Shapovalov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
