Qytetarët e Ballkanit Perëndimor të shqetësuar për ikjen e trurit

15:34 - 23 Qershor 2020

Një nga diksutimet e rëndësishme që do të përvijojë nesër në prezantimin e Këshillit të Bashkëpunimit Rajonal (RCC), të botimit të "Balkan Barometer", është ikja e trurit.

Sipas Barometrit, ikja e trurit (brain drain) po bëhet shqetësim gjithnjë e më i madh për qytetarët. Në 2015-ën, 0% e njerëzve ishin të shqetësuar në lidhje me këtë fenomen, tani 20%. Rëndësia e bashkëpunimi rajonal është rritur – 77% e qytetarëve të Ballkanit Perëndimor mendojnë kështu, dhe e njëjta gjë vlen edhe për mbështetjen për integrimin europian. 59% mendojnë se integrimi në BE është një gjë e mirë (20% më shumë se në 2015-ën). Mbi të gjitha, mbi 1/3 e qytetarëve të Ballkanit Perëndimor raportojnë se shpenzojnë më pak për faturat e telefonit që pas Marrëveshjes Rajonale të Roaming që hyri në fuqi një vit më parë.

Ky studim i opinionit publik dhe biznesit analizon perceptimin dhe pritshmëritë për jetën dhe punën, tendencat socio-ekonomike dhe politike dhe integrimin rajonal dhe europian në Ballkanin Perëndimor. Për herë të parë këtë vit janë edhe perceptimet përfshirë impaktin që pati COVID-19.

Këshilli i Bashkëpunimit Rajonal në njoftimin për shtyp thotë se, kjo dhe shumë të dhëna të tjera, që përfshijnë mendimet e qytetarëve dhe të biznesit për vendet e punës, ekonominë, rimëkëmbjen në lidhje me pandeminë COVID-19 dhe izolimin, do të paraqiten në Webinar-in në 24 qershor, i cili do të transmetohet drejtpërdrejt në RCC Facebook dhe në kanalin e YouTube.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.