.png)
Nga Gazeta Si- Para disa ditësh u denoncua se Rektori i Universitetit të Tiranës Artan Hoxha dhe dekania e drejtësisë Dorina Hoxha kanë kryer plagjiaturë në temën e doktoraturës së tyre. Pas këtij lajmi nuk kanë reaguar as Universiteti dhe as Fakulteti.
Për shkak të kësaj, Qëndresa Qytetare i kërkon Komisionit Parlamentar për Arsimin që të organizojë një dëgjesë publike për të zbardhur të vërtetën mbi përmbajtjen e punimeve të tyre shkencore.
“Qëndresa Qytetare, në kushtet e mungesës së reagimit nga Universiteti i Tiranës dhe instancat e tij për denoncimin e plagjiaturave në doktoraturën e Rektorit Artan Hoxha dhe Dekanes së Drejtësisë Dorina Hoxha, iu drejtua Komisionit Parlamentar për Arsimin me kërkesë zyrtare për të ndërhyrë”, shkruhet në njoftimin e QQ.
QQ i kërkoi Anëtarëve të këtij komisioni të nisim hetim parlamentar mbi këtë çështje për universitetin më të madh në vend.
“Në këtë periudhë të rëndësishme zgjedhore për universitetin, kur dy personat e akuzuar për vjedhje të punimit shkencor, janë përkatësisht edhe kandidatë të vetëm në garën për Rektor dhe Dekan në këtë universitet, ndërhyrja e një instance të këtij niveli bëhet e domosdoshme. Ne besojmë se ky veprim mund të jetë fillimi i një procesi të vetingut akademik për të gjitha precedentët e ngjashme të fitimit të gradave dhe titujve shkencorë në universitetet publike duke zhbërë njëherë e përgjithmonë avancimin jomeritor në botën akademike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
