.png)
Presidenti rus Vladimir Putin siguroi një mandat tjetër në krye të Kremlinit, pasi fitoi zgjedhjet presidenciale me mbi 87% të votave. Pas fitores ai mbajti një fjalim ku përmendi edhe një luftë të mundshme mes Rusisë dhe forcave të NATO-s.
“Një konflikt me NATO-n do të na sillte më pranë një lufte botërore”, tha ai pas fitores.
“Unë mendoj se nuk ka gjasa që dikush të jetë i interesuar për këtë” shtoi Putin.
Putin dha një koment edhe për vdekjen e Navalnyt, një muaj pasi ai ndërroi jetë në koloninë penale në Siberi.
“‘Sa për çështjen e zotit Navalnyt, ai ndërroi jetë dhe kjo është diçka e trishtë. Por ka pasur edhe raste të tjera të njerëzve që vdesin në institucionet e dënimit”.
Putin mori urime për fitoren e mandatit të pestë në krye të Rusisë nga disa prej liderëve në botë. Lideri koreano—veriorë, Kim Jong-Un ishte ndër të parët që i dërgoi urimet e tij Putinit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
