.png)
Nga Gazeta ‘Si’ – Kryetari i Lëvizjes Vetëvendosje, njëherësh edhe kryeministër i Kosovës, Albin Kurti, nuk ka marrë pjesë në takimin e thirrur nga presidentja e vendit në lidhje me caktimin e datës së zgjedhjeve.
Presidentja Vjosa Osmani, pas takimit me liderët e partive politike, theksoi se nuk e di arsyen përse Kurti nuk ka marrë pjesë në këtë takim, pasi, siç theksoi, ftesa në këtë takim ishte vetëm për kryetarët dhe nënkryetari i Lëvizjes Vetëvendosje Glauk Konjufca e ka mirëkuptuar këtë pjesë.
Në lidhje me mospjesëmarrjen e Kurtit në këtë takim, ka folur zëdhënësi i Qeverisë së Kosovës, Përparim Kryeziu.
Ai ka bërë të ditur se arsyeja e mospjesëmarrjes së Kurtit në këtë takim është se kryeministri ka një drekë me 21 ambasadorët e akredituar në Kosovë.
“Kryeministri po merr pjesë në një drekë me 21 ambasadorë të akredituar në Kosovë, ku është i ftuar si mysafir nderi. Dreka është caktuar me 10 korrik. Konfirmimi nga ana e kryeministrit për këtë drekë është bërë para tre javëve. Në pamundësi për të marrë pjesë në orarin e propozuar, kryeministri Kurti ka sugjeruar që LV të përfaqësohet nga nënkryetari i parë i saj, Glauk Konjufca. Gjë që konsiderojmë që do të duhej të ishte e pranueshme. Kryeministri Kurti është i gatshëm të marrë pjesë në çdo takim të ardhshëm në një ditë dhe orë të përshtatshme”, tregoi Kryeziu.
Në konferencë në asnjë moment Osmani nuk i ka përmendur emrin Kurtit, por iu referua vetëm si kryetar i Lëvizjes Vetëvendosje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
