.png)
Jo të gjithë njerëzit pickohen njësoj nga mushkonjat. Disa janë më të preferuar prej tyre, të tjerë më pak. Por cilat janë arsyet?
Ka disa faktorë që e bëjnë një person më tërheqës se një tjetër për mushkonjat, që nga grupi i gjakut, deri te ngjyra e rrobave që mbani veshur.
Për grupin e gjakut, një studim i publikuar në “Smithsonian Magazine” ka dalë në përfundimin se njerëzit me grupin e gjaku 0 janë më të preferuarit për mushkonjat, ndjekur më pas nga ata me grup gjaku B dhe në fund grupi i gjakut A, si më pak i preferuari.
Faktori i dytë është aroma e trupit. Sa më shumë të djersini, aq më shumë mund t’ju pickojnë mushkonjat. Djersitja çliron acid laktik dhe amoniak, dy substanca që shtojnë oreksin e mushkonjave.
Faktori tjetër është frymëmarrja. Sa më e shpeshtë qoftë ajo, si shembull gjatë një aktiviteti fizik, aq më shumë mund të tërheqë mushkonjat. Arsyeja është dioksidi i karbonit. Mushkonjat e nuhasin CO2 dhe e përdorin për t’u orientuar në gjetjen e ‘presë’ së tyre.
Faktori i katërt është ngjyra e rrobave që mbajmë veshur. Mushkonjat priren që të tërhiqen më shumë nga ngjyra e kuqe, portokalli dhe ajo e zezë. Ngjyrat më pak tërheqëse për to janë jeshilja, ngjyra e purpurtë, bluja dhe e bardha.
Kombinimi i gabuar i gjithë këtyre faktorëve mund të çojë që mes një, apo një grupi personash në të njëjtin vend, mushkonja t’ju zgjedhë ju për t’u ushqyer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
