.png)
Një studim mbi preferencat e formave trupore të femrave ka zbuluar se burrat preferojnë forma trupore që sugjerojnë rininë. Burra nga 10 shtete të ndryshëm janë pyetur të rendisin një sërë formash trupore nga më shumë te më pak tërheqëset.
Më popullorja mes pjesëmarrëseve ishte forma trupore e femrës me një indeks të masës trupore 19, që është në kufi të të qenit nënpeshë. Gjithashtu ishte e dukshme edhe lidhja mes BMI (Indeksit të masës trupore ) së lartë dhe perceptimit si më pak tërheqëse. Profesor John Speakman, i cili ka udhëhequr studimin ka shpjeguar: “Fitness-i në termat evolucionare përmbledh dy gjëra: mbijetesë dhe aftësi për riprodhim. Ajo që donim të investigonim ishte ideja se kur shohim dikë dhe mendojmë se janë fizikisht tërheqës, a e bëjmë këtë vlerësim bazuar në një kuptim evolucionar të potencialit për mbijetesë dhe aftësi riprodhuese në të ardhmen?
Një nga autorët e studimit, Dr. Lobke Vaanholt, gjithashtu ka komentuar: “Megjithëse pjesa më e madhe e njerëzve nuk do të habiteshin se dobësia ekstreme është perceptuar si tipi më tërheqës i trupit, duke qenë se sundon aq fort në media, kulturë dhe modë, përparimi i rëndësishëm është se tani kemi një kuptim evolucionar se përse është ky rasti. Ekipi studiues besonte se preferencat për një Indeks të ulët të masës trupore ndodh për shkak se sugjeron gra të moshës 17-20 vjeç. Studimi është botuar në PeerJ në vitin 2015.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
