.png)
Disa nga artistët dhe fotografët më inovativë në botë janë bashkuar në një përpjekje për të ndihmuar në ndryshimin e ‘fytyrës’ së marketingut të udhëtimeve.
Celebrity Cruises ka lançuar njëkohësisht një fushatë të re që paraqet imazhe nga Annie Leibovitz, dhe bibliotekën e parë në botë falas për t’u përdorur, foto të imazheve të udhëtimit, me synimin për të ndryshuar kuptimin e “all-inclusive” në industrinë e udhëtimit.
Puna e Leibovitz, së bashku me artisten Naima Green, Jarrad Seng, një fotograf dhe regjisor australian me prejardhje malajziano-kineze, si dhe fotografi Giles Duley, është paraqitur në koleksionin mahnitës.
Ndër të dalluarit janë një fotografi e autores dhe aktivistes transgjinore Abby Chava Stein duke pushuar në bordin e një anije lundrimi, një imazh i basketbollistes paraolimpike Amy Conroy duke luajtur volejboll në plazhet e Spanjës dhe aktori dhe stilisti sikh-amerikan Waris Ahluwalia duke medituar në kabinën e anijes.
Celebrity Cruises, në pronësi të Royal Caribbean Group, thotë se do të bëjë të disponueshme shumë nga imazhet përmes bibliotekës së imazheve të udhëtimit “të fokusuar në diversitetin” e sapolançuar.
“Për një kohë shumë të gjatë, ‘all-inclusive’ në industrinë e udhëtimeve ka nënkuptuar që gjithçka në pushimet tuaja të përfshihet në një çmim. Ne kemi vendosur të sfidojmë këtë mendim konvencional duke imagjinuar frazën përmes lenteve të të tjerëve,” thotë Presidenti i Celebrity Cruises Lisa Lutoff-Perlo.
“Ajo që Annie dhe të gjithë artistët e talentuar të përfshirë në këtë projekt e kanë kapur kaq bukur, është se në mënyrë që pushimet të jenë në përputhje me emërtimin e marketingut “all-inclusive”, atëherë ata duhet të fillojnë duke përdorur imazhe që përfshijnë të gjithë, jo vetëm disa.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
