Luan Myrtaj është pjesë e pedagogëve që kanë dalë hapur në mbështetje të protestës studentore. Prej pak ditësh ai është angazhuar sidomos në kërkesën që bën thirrje për vetting të titujve akademikë.
Por, duket se dalja në krah të studentëve e ka vënë në shënjestër të një akuze të ngritur nga ana e policisë.
Sipas asaj që publikon në rrjetet sociale vetë pedagogu i Inxhinierisë, që mban edhe gradën Doktor Shkencash, ndaj tij ka nisur një procedim penal.
“Unë jam “pedagogu kriminel”. Më komunikuan akuzën: Pedagog i ndershëm, i rrezikshëm për sistemin. Faleminderit skutha! Më bëtë krenar”, shkruan ai.
Postimin e shoqëron me publikimin e jetëshkrimit personal dhe me një nënshkrim me stilolaps.
“Jam në mbështetje të studentëve. Jam për vettingun në arsim. Vettingu le të fillojë me mua”, thuhet aty.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
