Nga Gazeta Si- Ditëve me diell dhe temperatura të larta gjatë muajit shtator, po i vjen fundi. Gjatë kësaj fundjave, prej ditës së sotme pritet një ndryshim i kushteve atmosferike dhe përkeqësim i motit.
Autoriteti portual i qytetit të Vlorës ka njoftuar se për tre ditët në vazhdim do të jenë të pezulluara lundrimet për të gjitha mjetet e vogla lundruese dhe anijet e peshkimit.
Po ashtu njoftohet se anijet e transportit ndërkombëtar do të vazhdojnë të operojnë normalisht sipas destinacioneve.
Përmirësimi i situatës hidrometeorologjike të përkeqësuar në gjirin e Vlorës dhe jashtë saj për mjetet lundruese dhe të peshkimit do të jetë pas orës 12:00 të datës 24/09/2023.
“Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj gjatë datave 22-23-24.09.2023 duke filluar nga ora 08:00 datë 22.09.2023 është ndaluar dhënia e leje-nisjes duke filluar nga ora 08:00 për të gjitha mjetet e vogla lundruese dhe anijeve të peshkimit që operojnë jashtë gjirit të Vlorës dhe janë njoftuar drejtuesit për marrjen e masave për sigurimin e tyre”, shkruhet në njoftim, duke shtuar se anijet e transportit ndërkombëtar detar do të vazhdojnë të operojnë normalisht sipas destinacioneve.
“Përmirësimi i situatës hidrometeorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas orës 12:00 të datës 24.09.2023”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.