.png)
Një studim i kryer nga studiues nga Universiteti i Exeter doli në përfundimin se duke matur presionin e gjakut nga të dy krahet mund të shpëtojë jetë.
Kjo metodë është e një rëndësie thelbësore për të vlerësuar më mirë dhe shpejt çdo rrezik kardiovaskular në një pacient i cili tashmë ka pasur këtë lloj problemi në të kaluarën. Shërben në fakt për të parandaluar rastet e atakut në zemër dhe goditjes në tru që lidhen me hipertensionin.
Ekipi hulumtues në Universitetin e Exeter ka krijuar një bazë të dhënash të studimeve të presionit të gjakut në të cilat kanë marrë pjesë rreth 54,000 vullnetarë gjatë viteve. Të dhënat e presionit të gjakut u morën nga ekipi hulumtues jo vetëm në Angli, por në Europë dhe Shtetet e Bashkuara, Azia dhe Afrika.
Ky studim i kujdesshëm ndërkombëtar zbuloi se një ndryshim i rëndësishëm midis matjeve të presionit të gjakut të marrë nga të dy krahët mund të jetë tregues i një ngushtimi, ose ngurtësimi, të arterieve. Sa më i madh ndryshimi në presionin e gjakut midis të dy krahëve, po aq serioze mund të jetë situata nga këndvështrimi kardiovaskular.
Sipas udhëzimeve ndërkombëtare, leximi i presionit të gjakut tregohet nga dy numra. E para tregon leximin e sipërm të quajtur sistolik, e dyta i referohet leximit të poshtëm, diastolik. Rezultatet e studimit Exeter tregojnë se rreziku i vdekjes nga shkaqet kardiovaskulare dyfishohet kur presioni sistolik i matur në njërin krah është 5 mmHg më i lartë se ai i matur në krahun tjetër. Një ndryshim i qëndrueshëm dhe i rëndësishëm në presionin sistolik midis dy krahëve duhet të shkaktojë vërtet alarm. Krahu me vlerat më të larta të presionit duhet të përdoret për të gjitha matjet pasuese.
Falë këtij studimi, studiuesit donin të theksonin rëndësinë e kësaj metode e cila është në gjendje të shpëtojë shumë jetë por që për fat të keq, shpesh dhe me dëshirë, nënvlerësohet ose injorohet në praktikë nga stafi mjekësor. Kontrollimi i njërit krah dhe pastaj tjetrit me një aparat monitorimi të përdorur rregullisht të presionit të gjakut kërkon pak kohë. Është ekonomike dhe mund të bëhet në çdo mjedis të kujdesit shëndetësor, pa nevojën e pajisjeve shtesë ose të shtrenjta.
Kjo metodë është gjithashtu e vlefshme dhe e rëndësishme për njerëzit që nuk kanë probleme kardiovaskulare. Hipertensioni është një problem që nuk duhet nënvlerësuar. Mund të shkaktojë pasoja të rënda si lodhja e zemrës dhe të kontribuojë në zhvillimin e sëmundjeve të tilla si arterioskleroza. Gjithashtu mund të shkaktojë dështim të veshkave dhe dëmtim të shikimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje