.png)
Nga Gazeta Si- Pothuajse gjysma e fëmijëve në botë- ose 1.1 miliardë- tani janë të ekspozuar ndaj të paktën tre rreziqeve klimatike që mbivendosen, duke kërcënuar shëndetin, arsimin dhe mbijetesën e tyre, sipas një raporti të ri të UNICEF. Pothuajse çdo fëmijë në botë përballet me të paktën një rrezik klimatik, ndërsa më shumë se 4 milionë mund të përballen me deri në gjashtë kërcënime që mbivendosen, paralajmëron raporti.
Raporti ‘Rreziku Klimatik i Fëmijëve 2026’ përdori të dhënat më të fundit të disponueshme për të hartuar ekspozimin e fëmijëve ndaj tetë kërcënimeve më të shpeshta klimatike, duke përfshirë përmbytjet bregdetare, thatësirat, nxehtësinë ekstreme, zjarret, valët e nxehtësisë, përmbytjet, stuhitë e rërës e pluhurit dhe stuhitë tropikale. Për herë të parë, raporti zbulon saktësisht se ku dhe sa intensive kërcënimet e shumta dhe që mbivendosen klimatike po ndikojnë tek fëmijët dhe shërbimet thelbësore sociale në të cilat ata mbështeten, dhe si qeveritë mund të ndërmarrin veprime konkrete për t’iu përgjigjur.
“Jeta e fëmijëve vazhdon të përmbyset nga ndikimi i valëve të nxehtësisë, zjarreve në pyje, thatësirave dhe përmbytjeve”, tha Drejtoresha Ekzekutive e UNICEF-it, Catherine Russell.
“Gjysma e fëmijëve në botë tani jetojnë me të paktën tre kërcënime klimatike që mbivendosen që formësojnë jetën e tyre të përditshme.”
Thatësira, nxehtësia ekstreme dhe valët e nxehtësisë janë kombinimi më i përhapur i rreziqeve klimatike, me mbi 296 milionë fëmijë që jetojnë në zona të ekspozuara ndaj të tre kushteve, sipas gjetjeve. Kombinimi i dytë më i zakonshëm- thatësira, nxehtësia ekstreme dhe stuhitë tropikale- lë më shumë se 115 milionë fëmijë në mbarë botën të ekspozuar ndaj këtyre kërcënimeve të mbivendosura.
Në rajonin Sahel të Afrikës, një nga më të goditurit, më shumë se 4 milionë fëmijë përballen me kërcënimin e trefishtë të valëve të nxehtësisë, nxehtësisë ekstreme dhe stuhive të rërës dhe pluhurit, ndërsa në vendet anembanë Azisë, për shembull Bangladeshi, Mianmari dhe Pakistani, fëmijët janë të ekspozuar ndaj më shumë rreziqeve klimatike në të njëjtën kohë dhe me një intensitet më të lartë se kudo tjetër në botë.
Vendet me të ardhura të larta nuk janë imune ndaj goditjeve të mbivendosura klimatike.
Në Itali, për shembull, më shumë se 6 milionë fëmijë janë të ekspozuar ndaj valëve të zgjatura të nxehtësisë dhe thatësirës, tregojnë të dhënat.
Për të mbrojtur të drejtat e fëmijëve nga kërcënimet klimatike dhe për t’u përshtatur me ndryshimet në rritje mjedisore, UNICEF u bën thirrje qeverive, bizneseve dhe aktorëve përkatës që të ulin emetimet dhe të ndërmarrin veprime ambicioze për të përmbushur angazhimet ekzistuese ndërkombëtare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje