Katër persona janë arrestuar në Durrës, të akuzuar për shpërndarje të lëndëve narkotike. Në kuadër të operacionit të koduar “Porositësit”, policia ka vënë në pranga shtetasit Admir Dedja, 25 vjeç, Beart Ismailaj, 24 vjeç, Hismet Toro, 33 vjeç dhe Misim Koldashi, 55 vjeç, i cili ka qenë i shpallur në kërkim për veprën penale “Kultivimi i bimëve narkotike.
Sipas policisë, në bashkëpunim me njëri-tjetrin, këta shtetas po tentonin të shisnin kundrejt shumës 38.800 euro, rreth 21 kg lëndë narkotike kanabis sativa, e cila u gjet në garazhin e banesës së shtetasit Misim Koldashi.
Në vijim të kontrolleve të ushtruara, goditet dhe një rast i kultivimit të bimëve narkotike cannabis sativa, në pronën e njërit prej shtetasve të arrestuar.
Gjatë operacionit, janë sekuestruar rreth 21 kg lëndë narkotike kanabis sativa, që do shitej kundrejt vlerës monetare 38.800 euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.