Besimtarët katolikë kremtojnë sot festën e Pashkës dhe nuk kanë munguar urimet nga të parët e shtetit.
Kryeministri i Shqipërisë, Edi Rama, me një postim të shkurtër në faqen zyrtare në “Facebook”, ka uruar besimtarët për festën e shenjtë, e cila simbolizon ringjalljen e Jezu Krishtit.
Presidenti Bajram Begaj gjithashtu uroi besimtarët katolikë e ungjillorë për shumë mirësi.
Kryetarja e Kuvendit, Lindita Nikolla, në mesazhin e saj, kryeparlamentarja theksoi se “Jezusi krijoi shembullin e madh të dashurisë, shërbimit dhe kryqëzimit për të tjerët dhe gëzimi i Pashkës le të na frymëzojë drejt këtij misioni universal”.
Kreu i PD-së së Rithemelimit, Sali Berisha i uroi shqiptarëve një Pashkë më të mirë vitin e ardhshëm.
Një ditë më parë dhanë urimet e tyre dhe kreu i PD-së zyrtare Lulzim Basha, dhe kryetari i Partisë së Lirisë Ilir Meta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.