.png)
Nga Gazeta 'SI' - Policia e Shtetit ka dalë sërish me një njoftim zyrtar për të informuar përdoruesit e pajisjeve Apple për rrezikun e hakerimit me anë të një mesazhi.
Autorët që dërgojnë këto mesazhe me qëllim mashtrimin, përdorin emërtimet e institucioneve të ndryshme shqiptare, mes tyre edhe rasti nga një adresë joreale e Postës Shqiptare.
Duke përsëritur edhe thirrjen e ditës së djeshme policia fton qytetarët të cilët kanë shpërndarë të dhënat e tyre duke u mashtruar nga mesazhe të tilla, të paraqiten në zyrat e strukturave të Hetimit të Krimeve Kibernetike.
Njoftimi i plotë i policisë:
Në vijim të njoftimit të ditës së djeshme, të strukturave të Hetimit të Krimeve Kibernetike, i cili bënte fjalë për mesazhe (iMessage), që iu dërgohen nga adresa të ndryshme iCloud, përdoruesve të Apple, ju informojmë se:
Autorët që dërgojnë këto mesazhe, për të fituar besueshmëri, përdorin emërtimet e institucioneve të ndryshme shqiptare, siç është rasti i fundit i konstatuar, nga një adresë joreale e Postës Shqiptare.
Në asnjë rast mos klikoni dhe mos plotësoni formularë, pa u siguruar që faqja nga e cila jeni kontaktuar, është faqja zyrtare e institucionit.
Nëse ju ka ardhur një mesazh i tillë dhe ju keni shpërndarë të dhënat tuaja personale apo nëse jeni mashtruar nga një aktivitet i tillë, ju ftojmë të paraqiteni pranë zyrave tona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
