Gazeta Si - Një punonjës policie ka mbetur i lënduar rëndë këtë të shtunë në Dibër si pasojë e shpërthimit të një gome të një mjeti të tonazhit të rëndë.
Ngjarja ka ndodhur rreth orës 14:00 në vëndin e quajtur Qenok në aksin rrugorë Maqellarë-Peshkopi.
Sipas informacioneve, një mjet i tonazhit të rëndë ka pësuar defket në rrugë, duke paralizuar të gjithë segmetin rrugor.
Me qëllim hapjen e këtij aksi efektivi i policisë Tonin Tosku ka shkuar pranë vendin të ngjarjes, por për një moment goma e mjetit të tonazhit ka plasur, duke dëmtuar në dy gjymtyrët e poshtme punonjësin e policisë.
Polici Tosku fillmisht është dërguar në spitalin e Dibrës, por përshkak të gjendjes së rënduar ai është trasportuar më helikopter drejt Tiranës.
Ky është rasti i dytë në 24 orë që nga shpërthimi i gomave të kamionëve ka persona të lënduar. Një ngjarje e ngjashme dhe e rëndë ndodhi edhe mëngjesin e së premtes në një servis në superstradën Lezhë-Milot.
Goma e një kamioni ka shpërthyer, teksa një gomist po e frynte dhe si pasojë një 53-vjeçar humbi jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.